କୋଟପାଡ଼ : କୋଟପାଡ଼ ସମବାୟ ଵୃହତାଗାର ସମିତି (ଲେମ୍ପସ )ଉପସଭାପତି ନିର୍ବାଚନରେ ଗୁଆଳି ନିର୍ଦେଶକ ଶ୍ରୀ ରାମକୃଷ୍ଣ ପୂଜାରୀ ଉପସଭାପତି ଭାବେ ବିଜୟୀ ହୋଇଥିବାର ନିର୍ବାଚନ ଅଧିକାରୀ ଶ୍ରୀ ସାଇ ପଟନାୟକ ଘୋଷଣା କରିଥିବାର ଜଣାଯାଇଅଛି | ଶ୍ରୀ ରାମକୃଷ୍ଣ ପୂଜାରୀ ସେନା ଯବାନ ଭାବରେ ଦୀର୍ଘ ୨୪ବର୍ଷ ଦେଶସେବାରେ କରି ଅବସର ପରେ ଚାଷୀଙ୍କୁ ସେବା ଯୋଗାଇବା ତଥା ସାର ଓ ମଣ୍ଡି ବ୍ୟବସ୍ଥା ରେ ସୁଧାର ଆଣିବା ଉଦ୍ୟେଶ ରେ ନିର୍ବାଚନ କୁ ଓହ୍ଲାଇବା ଗଣମାଧ୍ୟମକୁ ସୂଚନା ଦେଇଥିବାର ଜଣାଯାଇଅଛି ।
ସୂଚନାନୁଯାୟୀ ଉପସଭାପତି ନିର୍ବାଚନ ଶ୍ରୀ ରାମକୃଷ୍ଣ ପୂଜାରୀ ( ବିଜେପି ସମର୍ଥିତ) ଏବଂ ଖଗେଶ୍ୱର ପୂଜାରୀ ( ବିଜେଡି ସମର୍ଥିତ) ମଧ୍ୟରେ ହୋଇଥିଲା ଓ କଂଗ୍ରେସ କୌଣସି ପ୍ରାର୍ଥୀ ଦେଇ ପାରି ନ ଥିଲେ । ଉକ୍ତ ସମବାୟ ନିର୍ବାଚନ ରେ ଦଳୀୟ ସମର୍ଥନ ରେ କେବଳ ବିଜେପି ର ୨, ବିଜେଡ଼ି ର ୯ଟି ଓ କଂଗ୍ରେସର ୪ ଟି ସମୁଦାୟ ୧୫ ଗୋଟି ଲ୍ୟାମ୍ପ୍ ସଦସ୍ୟ ଙ୍କ ମଧ୍ୟରୁ ୯ଗୋଟି ବିଜେପି ସମର୍ଥିତ ପ୍ରାର୍ଥୀ ଶ୍ରୀ ରାମକଷ୍ଣ ଙ୍କ ସପକ୍ଷ ରେ ଆସିବା ବିଜେପିର ସାଙ୍ଗଠନିକ ଦକ୍ଷତା ଓ ଶ୍ରୀ ରାମକୃଷ୍ଣ ପୂଜାରୀ ଙ୍କ ଅକ୍ଲାନ୍ତ ପରିଶ୍ରମ ପାଇ ବିଜୟୀ ହୋଇଥିବା କହିଛନ୍ତି ବିଜେପି ସଂଯୋଜକ ବିଶ୍ୱ ତ୍ରିପାଠୀ । ବିଜେଡ଼ି ଓ କଂଗ୍ରେସ ଦୀର୍ଘ ଦଶନ୍ଧି ରୁ କୋଟପାଡ଼ ଅଞ୍ଚଳ ରେ ଚାଷୀ ଙ୍କ ଅସୁବିଧା ର ସମାଧାନ ପରିବର୍ତ୍ତେ ଭୁଆ ବୁଲାଉଥିବା ରୁ ଚାଷୀ ବିଜେପି ମୁହାଁ ହୋଇଥିବା ସହ ଆଶାବାଦୀ ଅଛି ବୋଲି କହିଛନ୍ତି ଜଣେ କୃଷକ ।
ଭୋଟ ଗଣତି ପରିଶେସରେ ବିଜେପି ର ରୁପୁ ଭତରା,ସୁନୀଲ ଦାସ,ବାଳକୃଷ୍ଣ ମାଝୀ,ଚନ୍ଦ୍ର ଶେଖର ଦାସ,ପ୍ରଦୀପ ରଥ,ବିକାଶ ପଟ୍ଟନାୟକ,ଆଶୁତୋଷ ମହାପାତ୍ର, ଦୀପକ ପଟ୍ଟନାୟକ ତଥା ବହୁ ଚାଷୀ ଓ ଦଳୀୟ କର୍ମୀ ଶୁଭେଚ୍ଛା ଜଣାଇବା ସହ ସମସ୍ତ ଚାଷୀ ଓ ଲ୍ୟମ୍ପ ସଦସ୍ୟ ଙ୍କୁ ଧନ୍ୟବାଦ ଜ୍ଞାପନ କରିଥିଲେ ।
